ბაღის ჯუჯები
ბაღის ჯუჯები - ეს პატარა ფიგურებია წითელჩაჩიანი ჯუჯების სახით სხვადასხვა მდგომარეობაში, რომლებიც ძალიან პოპილარულია ევროპაში, განსაკუთრებით გერმანიაში, როგორც ბაღის დეკორაცია.
ჯუჯები - გერმანული და სკანდინავიური ფოლკლორის ზღაპრული ქონდრისკაცები, მცხოვრებნი მიწისქვეშ და მიწისქვეშა განძის მცველები არიან. ისინი მიწისქვეშ უამრავ საგანძურს აგროვებენ: ოქროს, ვერცხლს, ძვირადღირებულ ქვებისა და სხვადასხვა ლითონს და ჯადოსნურ აღჭურვილობას ამზადებენ.
ავსტრიაში, გერმანიაში, სკანდინავიის ქვეყნებში ძალიან პოპულარულია ქონდრისკაცების ფიგურები, ისინი შეიძლება, პრაქტიკულად, ნებისმიერ ბაღში ნახოთ. ხსენებული ქვეყნები კამათობენ კიდეც იმაზე, თუ რომელია მათ შორის ამ ზღაპრული არსებების მშობლიური ქვეყანა.
ერთი სახუმარო ლეგენდა მოგვითხრობს, რომ ჯუჯები გერმანიაში საშოვარზე თურქეთიდან მოხვდნენ.
ლეგენდის თანახმად, ადგილობრივი გლეხები ხშირად აწყდებოდნენ მათ ფიჩხის შეგროვებისას. მათ, ვინც ჯუჯებს შეხვდა, შემდგომში ბედი სწყალობდათ. მაშინ აზრიანმა გლეხებმა თავად დაიწყეს ხისგან ჯუჯების ფიგურების გამოჭრა და მათ თავიანთი სახლის ახლოს დგამდნენ.
ტრადიციული ბაღის ჯუჯები მზადდება თხევადი ტერაკოტის თიხის სახით, მისი შემდგომი გამოწვის შედეგად. გამომწვარი ბაღის ჯუჯები საღებავით იღებება.
ბაღის ჯუჯები მხოლოდ ბაღს როდი ალამაზებენ. ისინი შეიძლება განათავსოთ აივანზე, ოთახში, ან უბრალოდ, იატაკზე. ქონდრისკაცები ორიგინალური და საინტერესო საჩუქარია თქვენი მეგობრებისთვის.
